Аб удзеле пасла Беларусі ў кірмашы вытворцаў кавы Венесуэлы
27.03.2025 г.Аб удзеле пасла Беларусі ў кірмашы вытворцаў кавы Венесуэлы
27-28 сакавіка 2025 г. Пасол Рэспублікі Беларусь у Венесуэле Андрэй Молчан у якасці ганаровага госця наведаў IV Нацыянальны кававы кірмаш «BARQUISIMETO HUELE A CAFE 2025» у г. Баркісімета (штат Лара).
Падчас наведвання кірмашу адбыліся сустрэчы пасла з Міністрам знешняга гандлю Венесуэлы Каромота Гадой Кальдэрон, Міністрам турызму Летысіяй Гомес, размовы з губернатарам штата Лара Адольфа Перэйра, алькальдам муніцыпалітэта Ірыбарэн Луісам Ёнасам Рэесам, а таксама прадстаўнікамі дзелавых колаў вытворцаў кавы і трапічная садавіны.
Падчас дзелавых сустрэч абмеркаваны пытанні ўзаемавыгаднага супрацоўніцтва па пастаўках беларускай сельскагаспадарчай тэхнікі і ўгнаенняў, закупках какава бабоў і кавы, трапічнай садавіны, а таксама дзеянні па нарошчванні супрацоўніцтва ў сферы сельскай гаспадаркі паміж Беларуссю і Венесуэлай.
