Прэзідэнт Беларусі А.Р. Лукашэнка павіншаваў абранага Прэзідэнта Балівіі Радрыга Паса Перэйру
23.10.2025 г.
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Радрыга Паса Перэйру з абраннем на пасаду Прэзідэнта Шматнацыянальнай Дзяржавы Балівія.
«Ваша краіна з'яўляецца для Рэспублікі Беларусь добрым сябрам і перспектыўным партнёрам у Паўднёвай Амерыцы, з якім мы падтрымліваем канструктыўныя ўзаемапаважлівыя адносіны. Упэўнены ў значным патэнцыяле двухбаковага супрацоўніцтва ў гандлёва-эканамічнай, навукова-тэхнічнай, гуманітарнай і іншых сферах узаемнага інтарэсу, што можа быць паспяхова выкарыстана толькі сумеснымі намаганнямі і пры палітычнай падтрымцы абедзвюх дзяржаў», — гаворыцца ў віншаванні.
«Беларусь гатова да рэальнай актывізацыі плённага дыялогу з Балівіяй. Спадзяюся, што ў найбліжэйшым часе мы здолеем надаць беларуска-балівійскім адносінам якасна новае напаўненне», — адзначыў Аляксандр Лукашэнка.
Прэзідэнт Беларусі пажадаў балівійскаму калегу здароўя, невычэрпнай энергіі і поспехаў на адказнай дзяржаўнай пасадзе, а дружалюбнаму народу Балівіі — міру і дабрабыту.
