Аб беларуска-венесуэльскіх кансультацыях паміж МЗС
22.10.2025 г.22 кастрычніка 2025 г. у г.Мінску адбыўся трэці раунд беларуска-венесуэльскіх кансультацый паміж міністэрствамі замежных спраў.
Беларускую дэлегацыю на мерапрыемстве ўзначаліў намеснік Міністра замежных спраў Рэспублікі Беларусь Яўген Шэстакоў, венесуэльскую — намеснік Міністра замежных спраў Баліварыянскай Рэспублікі Венесуэла Андрэа Караа.
Падчас перамоваў абмеркаваны шырокі спектр пытанняў беларуска-венесуэльскіх адносін, а таксама ўзаемадзеяння дзвюх краін на пляцоўках міжнародных арганізацый.
Бакі выказалі задавальненне станам палітычнага дыялога, разгледзелі шляхі нарошчвання гандлёва-эканамічнага супрацоўніцтва і пашырэння двухбаковай дагаворна-прававой базы.
Адбыўся абмен думкамі па найбольш актуальных пытаннях рэгіянальнага і глабальнага парадку дня. Беларускі бок пацвердзіў пазіцыю аб рашучым асуджэнні любых агрэсіўных дзеянняў, накіраваных на стварэнне напружанай міжнароднай абстаноўкі ў Карыбскім басейне і Лацінскай Амерыцы ў цэлым.
Па выніках кансультацый намечаны крокі па далейшаму развіццю супрацоўніцтва і правядзенню двухбаковых мерапрыемстваў. Дасягнута дамоўленасць аб арганізацыі ў бліжэйшы час 9-га пасяджэння Беларуска-Венесуэльскай сумеснай камісіі па гандлёва-эканамічным супрацоўніцтве.
