Аб сустрэчы Пасла Беларусі з намеснікам Міністра замежных спраў Венесуэлы
01.11.2025 г.
31 кастрычніка 2025 г. адбылася сустрэча Надзвычайнага і Паўнамоцнага Пасла Рэспублікі Беларусь у Баліварыянскай Рэспубліцы Венесуэла Дзмітрыя Дзеравінскага з намеснікам Міністра замежных спраў Венесуэлы па пытаннях супрацоўніцтва з краінамі Еўропы і Паўночнай Амерыкі Андрэа Караа.
Падчас сустрэчы бакі дэталёва абмеркавалі вынікі і дамоўленасці, дасягнутыя пры правядзенні 22 кастрычніка 2025 г. у г.Мінску трэцяга раўнда палітычных кансультацый паміж Міністэрствам замежных спраў Рэспублікі Беларусь і Міністэрствам замежных спраў Баліварыянскай Рэспублікі Венесуэла на ўзроўні намеснікаў міністраў. Абмяняліся думкамі па шырокаму колу пытанняў двухбаковага і міжнароднага парадку дня з асаблівым акцэнтам на пытаннях палітычнага, міжпарламенцкага і міжрэгіянальнага ўзаемадзеяння, а таксама навукова-тэхнічнага, культурнага і гуманітарнага супрацоўніцтва.
Пры разглядзе гандлёва-эканамічнага блока абмеркавалі ход рэалізацыі актуальных сумесных праектаў, а таксама перспектывы нарошчвання ўзаемадзеяння па іншых напрамках.
Па завяршэнні сустрэчы бакі пацвердзілі гатоўнасць падтрымліваць цеснае і шматвектарнае ўзаемадзеянне як на ўзроўні міністэрстваў замежных спраў, так і па лініі профільных дзяржаўных устаноў і арганізацый.
