Аб уручэнні Паслом Беларусі Д.Дзеравінскім даверчых лістоў Прэзідэнту Балівіі
14.10.2025 г.
14 кастрычніка 2025 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла і Шматнацыянальнай Дзяржаве Балівія па сумяшчальніцтве Дзмітрый Дзеравінскі ўручыў даверчыя лісты Прэзідэнту Балівіі Луісу Альберта Арсэ Катакора.
Падчас праведзенай размовы кіраўнік балівійскай дзяржавы адзначыў дружалюбны і канструктыўны характар двухбаковых адносін, нацэленасць на далейшае развіццё і паглыбленне плённага міждзяржаўнага дыялогу. Абмеркавалі актуальныя пытанні беларуска-балівійскага парадку дня, а таксама перспектыўныя напрамкі сумеснай работы, перш за ўсё на гандлёва-эканамічным вектары, якія прадугледжваюць эфектыўнае выкарыстанне двухбаковых механізмаў супрацоўніцтва і інтэнсіфікацыю рознаўзроўневых кантактаў бакоў.
У завяршэнне сустрэчы Л.Арсэ Катакора павіншаваў Пасла Беларусі з пачаткам дыпламатычнай дзейнасці ў Балівіі і пажадаў поспехаў ва ўскладзенай на яго місіі.
