Аб сустрэчы Пасла Беларусі Дзеравінскага Д.У. з мэрам горада Сан-Крыстобаль
28.10.2026 г.28 кастрычніка 2026 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі правёў сустрэчу з мэрам г.Сан-Крыстобаль (сталіца венесуэльскага штата Тачыра) Сільфрэдам Грэгорыо Самбрана Васкесам.
Суразмоўцы абмяняліся думкамі аб перспектывах умацавання беларуска-венесуэльскіх адносін на рэгіянальным і мясцовым узроўнях. Адмысловая ўвага была нададзена магчымасцям супрацоўніцтва па лініі прамысловай кааперацыі, экалогіі, муніцыпальнай гаспадаркі і турызму. Бакі дамовіліся надаць імпульс развіццю кантактаў паміж дзелавымі коламі і мясцовымі органамі ўлады дзвюх краін па шырокім спектры напрамкаў.
Мэр г.Сан-Крыстобаль афіцыйна запрасіў Пасла Беларусі ўзяць удзел у штогадовай 62-й Міжнароднай выставе-кірмашы Сан-Себасцьяна, якая традыцыйна праводзіцца ў студзені і з’яўляецца асноўнай пляцоўкай для дэманстрацыі патэнцыялу штата Тачыра ў эканамічнай, вытворчай, прамысловай, спартыўнай, культурнай і турыстычнай сферах.
