Адносіны Беларусі з Венесуэлай
Венесуэла афіцыйна прызнала незалежнасць Рэспублікі Беларусь 11 студзеня 1992 г. Дыпламатычныя адносіны паміж дзвюма краінамі ўсталяваны 4 лютага 1997 г.
У снежні 2006 г. адкрыта Пасольства Венесуэлы ў Беларусі, у кастрычніку 2007 г. – Пасольства Беларусі ў Венесуэле.
Прэзідэнт Рэспублікі Беларусь А.Р. Лукашэнка наведаў Венесуэлу з афіцыйнымі візітамі ў 2007, 2010 і 2012 гг. 8 сакавіка 2013 г. Кіраўнік дзяржавы прыняў удзел у жалобнай цырымоніі развітання з Прэзідэнтам Венесуэлы Уга Чавесам.
Прэзідэнт Венесуэлы У.Чавес пяць разоў наведваў Беларусь у 2006-2010 гг. Прэзідэнт Венесуэлы Нікалас Мадура двойчы наведаў Беларусь з афіцыйнымі візітамі: у 2013 і 2017 гг.
У кастрычніку 2021 г. у Мінску адбылася сустрэча Прэзідэнта Рэспублікі Беларусь А.Р. Лукашэнкі са спецыяльным пасланнікам Прэзідэнта Венесуэлы Аданам Чавесам.
У ліпені 2024 г. адбыўся афіцыйны візіт у Венесуэлу ўрадавай дэлегацыі пад кіраўніцтвам Прэм’ер-міністра Рэспублікі Беларусь Галоўчэнкі Р.А.
У студзені 2025 г. адбыўся афіцыйны візіт у Венесуэлу намесніка Прэм’ер-міністра Каранкевіча В.М. для ўдзелу ў цырымоніі інаўгурацыі Прэзідэнта Н.Мадуры і правядзення перамоў з кіраўніцтвам Венесуэлы.
Ажыццяўляюцца рэгулярныя кантакты па лініі МЗС. У 2025 годзе праведзены дзве сустрэчы міністраў замежных спраў Беларусі і Венесуэлы: на палях 80-й сесіі Генасамблеі ААН у Нью-Ёрку (ЗША) і міністэрскай сустрэчы Руху недалучэння ў Кампале (Уганда).
У кастрычніку 2025 г. адбыўся рабочы візіт у Мінск намесніка Міністра замежных спраў Венесуэлы А.Караа, у рамках якога быў праведзены трэці раунд кансультацый паміж міністэрствамі замежных спраў.
У маі 2026 г. Каракас з рабочым візітам наведаў намеснік Міністра замежных спраў Беларусі Шэстакоў Я.А. Адбыўся чацвёрты раунд беларуска-венесуэльскіх палітычных кансультацый на ўзроўні намеснікаў кіраўнікоў знешнепалітычных ведамстваў.
Беларусь і Венесуэла актыўна ўзаемадзейнічаюць у рамках міжнародных арганізацый. Беларусь рэгулярна бярэ ўдзел у міністэрскіх сустрэчах Групы сяброў у абарону Статута ААН, створанай па ініцыятыве Каракаса.
