Аб сустрэчы Пасла Беларусі Д.Дзеравінскага з Міністрам аховы здароўя Венесуэлы Н.Гутыерэс Гансалес
27.02.2026 г.
27 лютага 2026 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі сустрэўся з Міністрам аховы здароўя Венесуэлы Нурамі Хасэфай Гутыерэс Гансалес.
Падчас сустрэчы бакі абмяняліся інфармацыяй аб бягучым стане развіцця сістэм аховы здароўя Беларусі і Венесуэлы, абмеркавалі патэнцыйныя напрамкі і магчымыя формы ўзаемадзеяння дзвюх краін у пазначанай сферы, у тым ліку па лініі фармацэўтычнай прадукцыі, адзначылі зацікаўленасць у далейшым развіцці дагаворна-прававой базы профільных адносін і яе практычнай рэалізацыі.
Па выніках праведзенай гутаркі бакі пацвердзілі ўзаемнае імкненне да актывізацыі плённага беларуска-венесуэльскага супрацоўніцтва ў ахове здароўя з акцэнтам на шэраг перспектыўных і ўзаемавыгадных напрамкаў.
