Аб уручэнні Паслом Беларусі Д.Дзеравінскім даверчых лістоў Міністру замежных спраў Венесуэлы
11.08.2025 г.
11 жніўня 2025 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі ўручыў копіі даверчых лістоў Міністру замежных спраў Венесуэлы Івану Хілю Пінта.
Падчас сустрэчы бакі пацвердзілі нязменна высокі ўзровень міждзяржаўнага дыялогу і палітычнага ўзаемадзеяння, узаемную нацэленасць на далейшае нарошчванне дынамікі двухбаковых кантактаў на розных узроўнях і ўсебаковае развіццё беларуска-венесуэльскіх адносін з акцэнтам на гандлёва-эканамічную сферу.
Асобным блокам абмеркавалі пытанні арганізацыі і правядзення ў бліжэйшай перспектыве сумесных мерапрыемстваў як па лініі МЗС, так і з удзелам іншых дзяржаўных структур.
