Аб сустрэчы Пасла Беларусі Д.Дзеравінскага з Міністрам прамысловасці і нацыянальнай вытворчасці Венесуэлы А.Саабам
17.09.2025 г.
17 верасня 2025 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі сустрэўся з Міністрам прамысловасці і нацыянальнай вытворчасці Венесуэлы Алексам Наінам Саабам Маранам.
Падчас сустрэчы бакі дэталёва абмеркавалі пытанні, якія датычацца развіцця сумесных зборачных прадпрыемстваў у штаце Барынас. Асаблівая ўвага была нададзена механізмам, якія дазволяць гэтым прадпрыемствам выйсці на запланаваныя вытворчыя магутнасці з наступнай рэалізацыяй прадукцыі на ўнутраным рынку Венесуэлы і за яго межамі.
Разгледжаны патэнцыйныя магчымасці нарошчвання гандлёва-эканамічнага супрацоўніцтва па лініі прамысловай прадукцыі, пацверджана ўзаемная зацікаўленасць у далейшым паглыбленні партнёрскіх адносін у гэтым напрамку.
