Сустрэчы дэлегацыі Беларусі падчас візіту ў Венесуэлу
12.01.2025 г.Сустрэчы дэлегацыі Беларусі падчас візіту ў Венесуэлу
Урадавая дэлегацыя Рэспублікі Беларусь на чале з Намеснікам Прэм'ер-міністра Каранкевічам В.М. пабывала ў Венесуэле з візітам 9-12 студзеня 2025 г.
10 студзеня ў рамках цэрымоніі інаўгурацыі Прэзідэнта Венесуэлы Нікаласа Мадура у Каракасе адбылася гутарка кіраўніка беларускай дэлегацыі з Прэзідэнтам Венесуэлы.
Акрамя таго, адбыліся міжурадавыя перагаворы і шэраг сустрэч беларускай дэлегацыі.
11 студзеня адбыліся перамовы ў пашыраным складзе з удзелам Віцэ-прэзідэнта — Міністра планавання Рыкарда Менендэса, а таксама з удзелам з венесуэльскага боку міністра транспарту, міністра прамысловасці і нацыянальнай вытворчасці, міністра жыллёвага будаўніцтва і асяроддзя пражывання, міністра эканомікі, фінансаў і знешняга гандлю, а таксама намеснікаў міністраў планавання, турызма, сельскай гаспадаркі і зямель.
Пры гэтым 11 студзеня праведзены дзве асобныя сустрэчы з Міністрам замежных спраў Венесуэлы Іванам Хілем і Прэзідэнтам Венесуэлы Нікаласам Мадура.
У сустрэчы з Кіраўніком дзяржавы прынялі ўдзел Выканаўчы Віцэ-прэзідэнт Дэлсі Радрыгес, Міністр замежных спраў Іван Хіль, а таксама Прэзідэнт Нацыянальнай асамблеі Хорхе Радрыгес.
У рамках візіту праведзены таксама шэраг іншых сустрэч. 11 студзеня адбылася сустрэча першага намесніка старшыні праўлення ААТ «Банк развіцця Рэспублікі Беларусь» Бродава Р.П. з кіраўніцтвам міністэрства эканомікі, фінансаў і знешняга гандлю і міністэрства планавання на ўзроўні намеснікаў міністраў.
У дадзенай сустрэчы прыняло ўдзел кіраўніцтва Банка сацыяльна-эканамічнага развіцця Венесуэлы. Акрамя таго, 12 студзеня праведзена сустрэча Намесніка Міністра замежных спраў Рэспублікі Беларусь Шэстакова Я.А. з Намеснікам Міністра замежных спраў Венесуэлы Карамота Годой Кальдэрон.
У ходзе праведзеных перагавораў і сустрэч бакі абмеркавалі найбольш актуальныя пытанні двухбаковага супрацоўніцтва і перспектывы далейшага супрацоўніцтва Беларусі і Венесуэлы па шырокім спектры напрамкаў.
Арганізацыя перагавораў і сустрэч ажыццёўлена Пасольствам пад кіраўніцтвам Пасла Беларусі Андрэя Молчана.
